غريبه......,

غريبه ليه يالدنيا تزيدين الطعون طعون
والأغرب ليه انا بالذات ظلمك ما يفارقني


تماديتي بظلمك لي وانا حسبّتها بتهون
أحاول اطفي جروحي ودمع الظلم يحرقني


من الدنيا تعودت الجروح وما لقيت العون
وبصبر عالبقيه بس اخاف العمر يسرقني


أنا الي غصب عن عيني بهالدنيا رضيت اكون
مابين(أحلام تسبقني)...(وظل أوهام تلحقني)!!


بظل أعزف على جرحي واغنيله بكل لحون
وظل انزف مادام الهم في الرحله يرافقني


اخاف اشكي ولا ألقى من كلامي غير صمت عيون
عيون بدمعتي تغرق..وبعض عيون تغرقني!!!


عرفت الهم وطروقه غصب وبكل شكل ولون
اكابد وانتظر منهو من غروبي يشرقني


أنا اعرف ناس تدري بي وبالتوفيق لي يدعون
وأنا ادعي في صلاة الفجر(ياااااا ربي توفقني)…